DEUSTUKO IKASTOLAREN NONDIK NORAKOA: SORRERA(1)

50. urteurrena beteko du aurten Deustuko Ikastolak. Hasiera guztiak bezala, ikastolarena ere ez zen erraza izan. Beste batzuek bezala, berezko sorrera izan zuen 60ko hamarkadaren hasieran guraso batzuen nahiari esker.

36ko gerra zibilaren ondoren gure herriak, gure hizkuntzak, gure kulturak eta edozelango euskal giroko ekintzek izandako zapalketaren ondorioz ingurua ezkorra gertatu zen. Familia batzuek, nahiz eta euskara irakatsi euren seme-alabei etxean, ezinbestekotzat jo zuten ikasketak euskeraz burutzea giroa aldatu eta euskal sena bultzatzeko. Euskara galdutako edo-ta ezagutzen ez zuten familia batzuek ere hizkuntzaren garrantziaz jabetu eta euren seme-alabak euskaldundu izan nahi zituzten. Berezko eskubidetzat jo zuten nahi hori eta orduko politika sistemari eta irakaskuntza legediari aurre eginaz jo eta ke hasi ziren ezer gutxi zutelarik esku artean (zorrak ez baziren) eta etorkizun iluna argitu eta gaurkotu nahian.
Hasierako urteetan batez ere, guraso eta irakasleen eskertu ezinezko ahaleginek beste laguntzaile garrantzitsu batzuk izan zituzten hala nola: S. Pedro eta Pasiotarren Parrokiak, bai lokalak eta bai erlijio irakaskuntzarako abadeak doan jarri zituztelako;  nahiz eta seme-alabarik izan ez, ikastolaren sorreran parte hartu zuten hainbat familia; ezer kobratu gabe lege mailako oztopoak gainditzeko euren agiriak prestatu zituzten tituludunak; ikastaro bereziak eman zituztenak; diruz lagundu zutenak; eta abar. Esan beharrekoa da guraso batzuen aldetik beti izan dela laguntza haundiagoa ikastolako kostoak gutxitzeko asmoz (liburuak konponduz, bestelako konponketak burutuz, eskolatik kanpoko ekintzetan parte hartuz, Santa Ageda egunean abestuz, juntakide izanez…) Irakasleei buruz, nahiz eta sasoi batean eztabaida gogorrak izan, eskertu beharrekoa da bere laguntza, batez ere hasiera batean,  Ikastolaren egoera zela eta diru gutxiz eta profesionaltasun osoz lan egin zutelako. Lehenengo klaseak Azaola-Gereñotarren etxebizitzan burutu ziren 1963.eko urritik aurrera Elixabete Lopez de Gereño anderea 13 neskato mutikoen irakasle zelarik. Hamahiru ikasle horietatik hiruk bakarrik, gazteenek, amaitu ahal izan zituzten euren ikasketak Deustuko Ikastolan; besteak, arazo administratiboekaitik ezin izan ziren geratu Ikastolan baina, ukaezina da beraiengatik  izan zela posible ondorengo ikasle guztiek amaitu ahal izatea.

SENDIAK	IKASLEAK
AZAOLA LOPEZ DE GEREÑO	JON ANDER - XABIER- ELISABETE
SAITUA IRIBAR	LEIRE - AITOR
AMURITZA URIARTE	JOSU-UNAI
ANSOTEGI ARANGUREN	LOURDES
LAMIKIZ MENTXAKA	MIRELI - JOSEBA
EZKURDIA ARTEAGA	GURUTZE
SALUTREGI MENTXAKA	AXIER
IRIONDO ETXENAGUSIA	LOURDES

Oharra: Garai hartako zerrenda edo idatzirik ez dagoenez, gerta daiteke izen edo abizenen bat falta izatea edo zuzendu behar izatea oroimenaz baliatu behar izan baikara.

Nik bizi nuen...

Nik bizi nuen blog honetako beste atal berri bat da eta bertan zuen ekarpenak jaso nahi ditugu. Zer idatzi dezakezuen? Ba zuek ikastolan bizi izan duzuen pasadizoren bat, oroitzapenak, ikastola hitza entzun eta burura datorkizuena... Animatu eta idatzi kontaktuetan agertzen den helbide horretara eta guk blogean argitaratuko dugu.


2013-01-08
 Atal honetan hasiera emateko hona hemen gure Ikastolako gaur eguneko irakasle batek, baina baita ere, guraso ohia denak idatzitako ipuin bat . Ipuin honek, DEIA egunkariak  2012an antolatutako txapela inguruko ipuin-leihaketan hirugarren postua irabazi du.
Ea zuen gustokoa den!

NIRE AITITE MANOLO

Publish at Calameo or read more publications.

HIRU BELAUNALDIEN ARGAZKI ERRALDOIA

IKASLE OHI DIREN EDO IZAN DIREN IKASTOLAKO GURASOENTZAKO DEIALDIA

Ikastolaren 50. urteurrenaren ospakizunak direla eta, gaur egun Ikastolako gurasoak diren edo izan diren ikasle ohien zerrenda osatu gura dugu argazki bat egiteko. Argazki horren helburua hiru belaunaldi desberdinak elkartzea da: gaur eguneko ikasleak edo jadanik ataratakoak, ikasle ohiak diren beraien gurasoak eta aiton-amonak. Argazkia ikasturte bukaerako aldizkari edo liburuxkan argitaratuko da. Argazkia 2013ko urtarrilaren azken larunbatean(urtarrilak 26)13:30ean egingo genuke Ikastolaren patioan (data zehatza baieztatuko dizuegu) Asmoa zuen gurasoei jakinaraztea eta prest egongo liratekeen geuri baieztatzea eskertuko genizueke. Beraz, ikasle garaian Ikastolan ikasi bazenuten eta zuen seme-alabek ere bertan ikasten edo ikasi izan badute, mesedez, jakinarazi eizadazue abenduaren 20a baino lehen, beheko datuak argituz bai Ikastolan zuzenean zein emailez(kontaktu atalean begiratu). Momentu aproposa delakoan elkartzeko eta une atsegin bat igarotzeko asmoarekin.
Eskerrik asko,

Deustuko Ikastolako 50. urteurrenerako batzordea
_________________________________________________
Abizenak........................................... Izena......................
Seme-alabaren maila.........................................................
Tfnoa......................................... Emaila......................................................................
Ikastolan egondako epea:..................................................

____BAI, urtarrilaren 26an ,13:30ean, nire seme-alabekin argazkia ateratzeko prest nago.
____BAI, nire gurasoak(aitite/amama)ere egun horretan argazkia ataratzeko prest daude.

IKASTOLAREN SORRERA (2): SAN PEDRO

Hurrengo ikasturtean, 1964-65, Elixabete andereak  bere aizpa Estibalitzen laguntza izango du.

Bigarren ikasturte hau amaitzean irakaskuntzako Inspekzioaren bisita bat jasaten da legezko erregularizazio eskatzen duelarik.

Legeztatzea dela eta, udan gestio batzuk burutu ziren lokal batzuk bilatzeko asmoz. Benanzio Orbe pasiotarren parrokoarekin eta Tomas Elixpuru S. Pedrokoarekin hitz egin ondoren abegi onez ikusi zuten proiektua eta S. Pedro Parrokiakoek lokal txiki bat jarri zuten ikastolaren esku.

Lokal horretan hasi zen hurrengo ikasturtea Estibalitz anderea ikastetxeko arazo guztietaz arduratzen delarik eta aurreko urteko beste neska-mutikoen ardura duelarik. Ikasturtean zehar gurasoek alkartu eta lehengo Batzordea osatzen dute. Batzorde hau ikastetxearen zuzendaritzaz eta administrazioaz arduratzen da, hurrengo ikasturtean zehar parte hartzea areagotu egiten delarik.

1967/68 ikasturtea lehen irakaskuntzako 1., 2. eta 3. mailetako 35 ikaslerekin hasten da; neska bat Batxilerrerako sarrera azterketarako prestatzen da.

Lokala txiki gelditu da eta 2. hiruhilabeterako su batek erretako eta ikastolako gurasoek atondutako beste lokal bat ixten du parrokiak. Lokal hau haurtzaindegitzat erabiltzen da Mari Feli Abaitua anderearen esku gelditzen delarik.

Etxe irakaskuntza sistemaren menpe egonik ikasleak, lehen irakaskuntzako ikasleek Arangoitiko Eskoletan egin behar dituzte azterketak, emaitza oso ona lortuaz. Batxillergo sarrera azterketa prestatzen zebilen neskatoak ere helburua lortzen du.

Urte honetan Lehen Jaunartzeak euskeraz ospatzen dira Deustun (Pasiotarren eta S. Pedro parrokietan).

Hurrengo ikasturtean ikasle kopurua 50era heltzen da. Guraso Asanbladaren eskariz Estibalitz Gereño andereñoa Pedagogi Zuzendaritzaren arduradun egiten da, Juntakoek beste gestio guztiekin arduratzen direlarik. Aurrerago bere osasun egoera dela eta, Maria Jesus Eguren anderearen esku gelditzen da Pedagogi Zuzendaritza.Paraleloki Pasiotarren Parrokiak utzitako lokal batetan Haurtzaindegi bat sortzen du Deustuko guraso talde batek; 20ren bat neskato-mutiko Gerrikabeitia andereñoaren esku gelditzen dira.

Legeztatzea burutzeko Irakaskuntza inspekzioarekin harremanak hasten dira.
Taldeak osatzeko ikasle kopuru minimo bat behar zenez, alde batetik, eta beste batetik, adinaren arabera, orduko batxilergoa egitea tokatzen zitzaienak San Felitzisimon aukera hori izango ez zutenez, San Pedroko ikastolako ikasle zaharrenek Gran Viako Resurreccion Maria de Azkue eta Centro de Estudios Oñate ikastoletan jarraitu zituzten ikasketak.
1969/70 ikasturtea 150 ikaslerekin hasten du ikastola bateratuak, S. Pedro parrokiako lokaletan Abaitua andereñoaren esku haurtzaindegia gelditzen delarik eta Pasiotarren parrokiako 5 gela Ozamiz jaunaren eta Jayo, Castresana, Beaskoetxea eta Gerrikabeitia andereñoen esku gelditzen direlarik.
Legeztatze biderako dokumentazio berrien berri aurkezten da, aurretik aurkeztutakoa galdu egin baita.
Salgai dauden lokalen bilatze lan bat burutzen da, baina Guraso Alkarteak dituen diru posibilitateak ez dira horrelako lokalen bat erosteko bestekoak.
Hurrengo ikasturtea 173 ikaslek hasten dute aurreko urteko irakaslego berberarekin, Olano andereñoa Gerrikabeitia andereñoaren ordez sartzen delarik. Pasiotarren Parrokiako 240 m2 erabilgarri dituen 6 gela eta 62 m2 pasiloetan erabiliko dira horretarako, banaketa “Nueva Ley de General de Enseñanza” delakoaren arabera egiten delarik.
S. Pedro Parrokiako Haurtzaindegiaren ibilera amaitutzat jotzen da.

Ikasturte amaieran Colegio Parroquial La Pasión izenarekin legeztatu den ikastolaren Barne Araudia onartzen da, ez da subentziorik jasotzen legeak jartzen dituen baldintza guztiak ez direlako betetzen. Ikastetxe bultzatzaile bezala Pasiotarren Parrokoa agertzen da.

Guzti hau Ikastolaren lehen fasetzat jo daiteke:sorrera.

50. URTEURRENAREN PINA-PIN DEL 50 ANIVERSARIO

Astelehen honetan, abenduak 3, Euskeraren Eguna ospatu dugu ikastolan. 
 50. urteurrenaren pina ere banatu dugu Ikastolako aurtengo kideon artean oroigarri moduan euki dezagun.
Ikasleei pin bana eman zaie eta familia bakoitzari bina, ikasleek gutun-azal batean eraman dituztelarik.

Abenduaren hiruan, beraz, zuen etxeetara heldu behar izan dira urteurrenaren pinak.

Egun horretatik aurrera beste aleak eskuratzeko posibilitatea egongo da 1 €-ko prezioan idazkaritzan.

BEHIN BETIKO

Abenduaren 3a Euskararen Eguna izanik eta 50.urteurrena dela ospatzeko, honako beste kanta hau ere abestu dugu patioan KILI-KILI BAT abestiaz gain. Youtuben aurkitu dugu letra eta guzti etxean denok batera abestu dezazuen. Imanol Urbietaren BEHIN BETIKO

Urteurrenaren kamisetak eta nikiak salgai!

       Familia agurgarriok:

       Ikastolaren 50. urteurrena dela-eta,  horretarako prestaturiko anagramarekin zenbait produktu jarriko ditugu salgai, haien artean, kamisetak eta nikiak.

Kamisetak eta nikiak, 50. urteurreneko anagramarekin,  ikusgai egongo dira ikastolako patioan azaroaren 26tik Gabonak arte, astelehenetan eta asteazkenetan  17:00etatik 18:30era. Bertan, eredua eta neurria ikusita, eskakizuna egiten den momentuan ordaindu beharko da, arduradunek enkargua egiteko.

Egindako enkarguak Gabon ostean bananduko dira.

KAMISETAK 7 €                       NIKIAK 15 €

KILI KILI BAT...KILI KILI BI...MILAKA UME DANTZAN

Datorren abenduaren 3an, Euskararen Nazioarteko Eguna dela-eta, Ikastolako ikasle eta irakasleak batuko gara patioan KILI KILI kanta abesteko. Hemen daukazue egun horretan abestuko dugun bertsioa, zuek ere praktikatzeko.
KILI KILI BATen bertsio laburra.


KILI-KILI BAT KILI-KILI BI
MILAKA UME DANTZAN
ALFABETATZEN ALFABETATZEN
TEILA BAKO IKASTOLAN

TXAN,TXAN TXORITXUAK DANTZAN
PIL,PIL PERREXILA SALTZAN(BIR)

BAKOITZAK BERE ERAN
EUSKALDUNAK GARELAKO
EGIN DAIGUN EGIN DAIGUN
EUSKARA
KILI-KILI BAT...

Orain dela urte batzuk, ikastolan IKAS UME abesbatsa zegoenean PASCUAL BARTURENen zuzendaritzapean, kanta honen grabaketa egin zen  berak armonizatuta eta Zorion Egileorrek asmatutako doinu eta erritmoan.

Entzun gura baduzue antzinako grabaketa,  hemen entzun ahal izango duzue.

KILI-KILI ren hasierako bertsioa

Badago beste kanta bat egun honetan abestu ohi duguna:
 BEHIN BETIKO BEHIN BETIKO...

Eta zelan ahaztu txikitako kanta...

BIHAR GIZON IZANGO GARA
Bihar gizon izango gara,
umeak ikasten gabiltza,
ikastolan dogu ortan habi,
Euskalerriaren bizitza.

Gogotik alkar gogor harturik,
nahi genduke mundu berria,
ondo gaztetxu garanok sortu  ,
maitasun hutsezko herria.

Andereño, maixu, umeak:
gora dagigun ikastola,
Euskalerri danak goratu daiala
euren zañetan dan odola;

Mingañan euskara beti dogula,
gaur ikasten ta jolasez elkartutik,
bihar gu izango gara
herriaren gidari.

Jeiki azkar, gurasoak
jaso gora Ikastola.

Argazkiak

50 urte hauetan hainbat ikasle izan ditugu gure ikastolan. Kasu batzuetan, ikasle izandakoak orain gurasoak dira. Ikastolako bizitza nolakoa izan zen gogoratzeko eta datozen ikasleei erakusteko argazkiak bildu nahi ditugu. Argazki bakoitzean nortzuk dauden, non eta noiz adierazita (bai argazkiaren atzealdean edo ondoko papertxo baten). Eta norena den argazkia gero bakoitzari berea bueltatzeko!
Mesedez, argazkiak ekarri Gabonetako oporrak baino lehenago.

Jostailuak, Ikastolan erabilitako materiala (mahaiak, mapak...) liburuak, behar ditugu ere.(Bakoitza norena den ipinita, gero bueltatzeko norberari berea).
Bilketa honen helburua erakusketa bat antolatzea da.
Posible bada, garai hartako ikasgela bat berregin nahi dugu.
Animatu! Lagundu erakusketa antolatzen!

Behin betiko dohaintzak onartuko genituzke Ikastolako bitrinan jartzeko.

Ikasle ohiak

Urtez urte egindako promozio desberdinen argazkien orlak Ikastolako sarrera nagusian dauzkagu ikusgai.
Lehenengo promozioa 1974. urtekoa da: Deustun euskara hutsez  OHOko 8. mailara arte ikasi zuen lehenengo belaunaldia. Aurretik, beste ume batzuk ere buru belarri ibili ziren euskaraz lanean eta haiei esker jarraitu ahal izan zuten ondorengoek, egoera legalizatu arte. Hasierako ikasle anonimo haien bila gabiltza. Erne egon!
 Deustuko Ikastolako lehenengo 7 ikasleekin egindako orla eder hau altxor baten modura gordeta eukiko dute protagonistek, bakoitzak berea jaso baitzuen!

LEHENENGO PROMOZIOA: 1974 -1975

Orlen diseinua ez da inoiz berdina izan, eta irudimen asko erakutsi digute egileek! Beste orla batzuk hemen dauzkazue ikusgai





IKASTOLAN 2 URTETIK UBI AMAITU ARTE EGONDAKO 1. PROMOZIOA





Ikastolan  UBI amaitu zuten   2. promozioko ikasleak; horietako asko 2 urtetik egon ziren elkarrekin.

Ikastolan UBI amaitu zuten 3. promozioko ikasleak; gehienak bi urtetik egon ziren talde berean.
Hau izan zen UBIko azken taldea.
Ikasturte berean Hezkuntza Sailak Euskadiko Hezkuntza-mapa berria ezarri zuen eta Derrigorrezko Lehenengo eta Bigarren Hezkuntzak irakatsiko zituen IKASTETXE PUBLIKO INTEGRALA (IPI) bihurtu zen:
DEUSTUKO IKASTOLA IPI

Hau da Ikastolan DBHko ikasketak amaitu zituen 1. promozioa. 

Ikastolatik atera diren azkenengo ikasleak:

DBHko 14. promozioa eta Ikastolako 36. promozioa da.

Blog honetan aukera daukazue parte hartzeko. Prest gaude zuen proposamenak kontuan izateko. Batzuk badaude martxan.

ANIMATU ZAITEZTE! ZUEKIN KONTATZEN DUGU!

IRAGANA GOGOAN, ETORKIZUNA AHOAN



Zer egingo dugu?

50 URTE, 50 EKINTZA


Hori da gure erronka: guztion laguntzaz ikasturtean zehar 50 ekimen antolatzea, egitea eta elkarrekin ospatzea. Jadanik hasi gara:

1. Abenduan, euskararen egunean, ospakizunari hasiera emango diogu. 50 URTE KILI-KILIKE.     713 ikasle gehi 65 irakasle ikastolako patioan KILIKILI abestia kantatzera elkartuko dira.
2. Bakoitzak bere PINa izango du 50. urteurrenaren oroigarritzat. Gurasoek ere PIN bana jasoko dute.
3. Ikasle ohi batzuek prestatutako kanta entzun eta abestuko dugu. Kantarekin LIPDUBa prestatuko dute ikasle nagusiek.
4. Kamisetak eta giltzariak salgai jarriko dira.
5. Ziklo eta etapaka ospakizuna girotzen hasiko dira; adibidez, LHko 2. ziklokoek Ikastolan izan duten historia laburreko argazki esanguratsuen erakusketa egingo dute pasilloetan.
6. Ikastolan jadanik dauden (eta posible balitz atera diren) hiru belaunaldi desberdineko partaideen argazkia egingo da (ikasle ohien seme-alabak ikastolan, gurasoak eta aiton-amonak).
7. DBHko ikasleek gelak apainduko dituzte, gaia urteurrena delarik.
8. Argazkien erakusketa egingo da.
9. Ikastolan antzina erabilitako materiala: liburuak, altzariak, jostailuak... batzen ahaleginduko gara, posible balitz garai hartako ikasgela bat osatuz.
10. Ikasturte bukaeran, 40. urteurrenetik hona argitaratzen den urtekariaren ordez liburu bat kaleratuko da.
11. Blog hau martxan jarri da eta eguneratuko da.
12. Liburuaren egunerako ekintzak 50. urteurrenari lotutakoak izango dira.
13. Maiatza aldera ekitaldi nagusia antolatuko da.
14. Mendok 2012-2013 ikasturte honetako ikasle guzti guztien marrazkia, komiki eran, marraztuko ditu. Ondoren, langile guztiena egiteko asmoa ere du.
15. ...

Anima zaitezte eta parte hartu erronka honetan.